ياسمين عز: الرجل كائن لا يعبر ولا رغاي والست لازم تكون صبورة

وجهت الإعلامية ياسمين عز، نصيحة إلى السيدات بالحفاظ على أزواجهن والتمسك بهم، كاشفة عن سر الزواج الناجح، والذي ستعمل على تطبيقه عندما تتزوج قريبًا.
وكشفت «عز» عن سر الزواج الناجح خلال حلقة اليوم الجمعة، من برنامجها «كلام الناس»، والذي يعرض عبر قناة «إم بي سي مصر»، من واقع تجربة أهلها.
وقالت: «بشكل عام لأني في الطريق للجواز، أنا شايفة من تجربة أهلي، إن الست عمود البيت والست بذكائها وحكمتها وعقلها واحتوائها وقدرتها على استيعاب الأمور مع الرجل وتقبل اختلافه هي سر الزواج الناجح».
وأضافت: «الموضوع اللي مش محتاج من الست أنها تتخانق مع جوزها بلاش تتخانق، الرجل كائن لا يعبر ولا رغاي، الست لازم تكون صبورة مع الرجل وتدلعه»، متابعة: «ولو شايفين إن اللي بقوله تفاهة لن تفلحوا مع الرجل».
وأوضحت: «اسمعي مني وخذي النصيحة من امرأة سعيدة زيي، أنا مش هستفيد حاجة لما تحبي جوزك مش هشاركك في الميراث يا مدام، كل واحدة في إيديها راجلها امسكي فيه، عشان لو سبتيه مش هتلاقيه».
وأكملت «عز»: «لو فيه واحدة ست خرساء اتجوزت هتلاقوا شكاوى اللسان الطويل والرد، خلصت، متقوليش أنا طيبة واللي في قلبي على لساني، لأ، متقوليش اللي في قلبك قدام جوزك».