السلام الاجتماعى بقلم/ الإعلامية منى عبد الحميد

امتى هينتشر بينا السلام الاجتماعى السلام الأسرى، السلام النفسى. امتى هيتم وقف النزاعات باختلاف انواعها امتى هنبطل نحقد نحسد نغير نبص لغيرنا ارضى بنصيبك وقدرك واعرف انك واخد حقك من الدنيا كامل كل واحد فيه حاجات ناقصاه باختلاف انواعها.

عايزين نتعلم ثقافة الرضا ونحمد ربنا على المقدر والمكتوب ونحاول نشوف الجانب الايجابى بحياتنا ونحسن علاقتنا مع الاخرين، حتى وان لم يستحقو علشان اقدر اعيش بسلام داخلى لنفسى وليس للآخرين، واقدر أمارس حياتى بطبيعية اكتر. مارس السلام في كل جوانب حياتك لنفسك وليس للآخرين هتنعم بحياة سعيدة بعيدة عن التوتر وأعراض الاكتئاب المختلفة وساعتها ضحكتك هتطلع من قلبك تنير الكون لحياتك.