فيه مراحل فى حياتنا بنوصل فيها اننا مابنقدرش نتواصل مع حد خالص..بنحتاج بس الناس السهله البسيطه .. الناس اللى لما هنحتاج نتكلم .. هنلاقيهم .. مش هيقولولنا ” انتوا مابتسألوش ليه ؟ “..اللى لما نحتاج نشوفهم هنلاقيهم فى ضهرنا مسافة ما نحط السماعه .. الناس اللى لما بتشتكيلهم مابيقولولكش كلام يحسسك انك مقصر وغلطان الناس دى ناس بسيطه و مريحه …
كل واحد فينا و فيهم بيمر بفترات بيحتاج اللى حواليه يكونوا كده .. ف لو عاوزين تحافظوا على مكانتكم و مكانكم ف حياة بعض .. خليكوا بسطا …خليكوا مريحين …..او حتى حاولوا .. لإن فيه
فترات الواحد بيعدي عليه اوقات بيبقى شايل نفسه بالعافية .. بطاريته عايزة حد يعضعضها علشان يقدر يقوم مالسرير … ويشوف يومه ومصالحه .. و حتى الحد الأدنى من الكلام العادي اللازم والضروري علشان اليوم يمشى بيستنزفوا اللي فاضل في البطارية دي … بيبقى مجوف مافيش جواه لا اللي مكفيه …. ولا اللي يديه لحد …
وقتها بتحتاج اللى يفهم من غير شرح منك ان عصبيتك مش طبع .. وحزنك مش نكد .. وعتابك مش إفتعال للمشاكل .. من الآخر خليكوا مع اللى يحبكم بكل حالاتكم… ❤