ليه دايماً بندور على سعادة كبيرة تغير حياتنا وتقلبها رأساً على عقب وتخلينا نتنطط .. مالها السعادات الصغيرة ؟؟
ماله التليفون اللي بيجيلك من حد كان واحشك ؟؟ مالها الخروجة الحلوه مع ناس بيحبوك و مالها السفرية اللي بتتظبط في ٣ ساعات ونص من ساعة ماتقترحوها لحد ماتسافروا ؟؟ مالها الاغنية اللي بتتذاع عالراديو وتكون بتحبها وتفضل تغني معاها ؟؟ مالها قصة الشعر المظبوطة و اللبس الحلو و الرضا لما بتشوف نفسك فالمرايه وانت خارج ؟؟
مالها الصحة الكويسة والصحاب الجدعان والصحبة اللي دمها خفيف واليوم اللي بيعدي من غير مشاكل ؟؟ مش كل دي حاجات تسعد برضه ؟؟