أوقات كده بيبقى لازم نتسحب .. و نمشى على صوابعنا بهدووووء .. و مانعملش صوت و إحنا خارجين .. و نقفل الباب بالراحه و نتأكد إنه قفل كويس .. علشان مانصحيش النايمين .. اللى عارفين أصلا إننا كده كده ماشيين … بس بيفضلوا يمسكوا فينا و يحسسونا إنهم مش هيقدروا يعيشوا من غيرنا ..لأ و أوقات كمان ممكن يحسسونا بتأنيب الضمير إننا ماشيين .. فيه علاقات لازم تنسحب منها بهدوووء و من غير أى إزعاج .. ما هو مش هتفضل تبرر إنك مش مرتاح .. وإنك محتاج كذا وكذا … وإنك زى ما بتدى محتاج حد يقدر و يحس … مش محتاج منه أحسن حاجه … مش محتاج إنه يكون أحسن حاجه .. محتاج بس إنه يحتويك بالطريقه اللى انت بتحبها و بتفهمها ..
لما بقى تحس إنك عملت اللى عليك و حاولت تتعايش بس ماقدرتش .. يبقى نتسحب بهدوء … و نتربس ورانا كويس …و بس ✋