ألف مليار دولار أنت متخيل الرقم أيوه ألف مليار دولار. طب تعرف أن احنا عملنا اللالى علشان نأخد 7 مليار دولار من صندوق النقد. وطلع عينينا وبسبب القرض ده الدولار وصل من 32 جنيه إلى 52 جنيه.
وكمان أخدنا القرض على كذا دفعة أكبر دفعة لم تصل المليار.دولار
طب تعرف أننا أخدنا القرض ده علشان نحمى مصر و الوطن العربى. أيوه الوطن العربى هى مش غزة وطن عربى. طب تعرف أن مصر هى أكبر دولة فى العالم. دخلت مساعدات إنسانية و مالية وعسكرية وسياسية وزى ما انت عاوز تقول قول.
طب خد اللى اكبر من كل ده مصر. وقفت أمام اقوى دولة فى العالم كله. علشان تمنع تهجير أهل غزة. وسبب كده تم تشديد الحصار الاقتصادي على مصر. وتم منع المساعدات الأمريكية.
ومصر فقدت أكثر من 20 مليار دولار لتوقف الملاحة بقناة السويس والسياحة.
وكمان السودان مش هى السودان وطن عربى، علشان كده مصر استقبلت ملايين من شعب السودان وقالت لا يمكن أن يتم تقسيم السودان.
وليبيا مش هى كمان وطن عربى. طب هو فى حد وقف جنبها غير مصر. والصومال مش هى كمان وطن عربى بس ما فى حد افتكر غير مصر وارسلت قوات عسكرية لتحمى أرض وعرض العروبة من الاحتلال الاثيوبي.
دول الخليج مش وطن عربى لما الحوثى هدد أمن السعودية كانت مصر هناك وقالت مسافة السكة.
مصر عملت كل ده رغم أن عندها أزمة اقتصاديه. لا مصر عملت أد كدا عشرات المرات.
امال ايه حكايه 1000 مليار دولار
اكيد دول الوطن العربي، هتقدمها مساعده لمصر لدورها الكبير فى حماية دول الوطن العربى وتسليح جيشها بأحدث أنواع الأسلحة لتكون جاهزة دائما فى حماية أمنها وأمن الأمة العربية.
لا يا سيدى ال 1000 مليار دولار هتقدمها السعودية. إلى امريكا. لا بتهزر قول كلام يدخل العقل. معقولة السعوديه هتعطى لأمريكا الف مليار دولار؟!
اه والله هى دى الحقيقة، ده مش بس كده ده السعودية فرحانة جدا لدرجه كانت المفروض ندفع 600 مليار دولار، ولما وافقت رجع ترامب وقال إنه عاوز 1000 مليار بدل الـ 600 قالوا ماشى. فى حين أن مصر فى عرض 6 مليار دولار.
ده مش تخاريف صيام لا للأسف دى الحقيقه المعلنة وما خفى كان اعظم. ربنا يعينك يا سيسي ويحمى مصر.
أحمد محفوظ يكتب: صفقة الـ1000 مليار دولار
