طرح المطرب بهاء سلطان أغنيته الجديدة “حب حياتي” على “يوتيوب” وجميع المنصات الغنائية. الأغنية هي جزء من فيلم “الهوى سلطان”، الذي يشارك في بطولته الفنانة منة شلبي والفنان أحمد داود.
صناع أغنية “حب حياتي”
- غناء: بهاء سلطان ومنة شلبي
- تأليف: منة عدلي القيعي
- ألحان: عزيز الشافعي
- توزيع وميكس وماستر: توما
كلمات أغنية “حب حياتي”:
تقول كلمات الأغنية:
يا جماعة
ماحدش شاف حب حياتي؟
هو اتأخر ولا دا عادي؟
هو أنا شفاف للدرجة دي؟
ولا في إيه؟
أجيله من هنا دا يقوم ماشي
حد شافه هنا لا مجاشي
إيه يا شريك العمر ازيك
لو مش جي ابعت حاجة زيك
أو لو ناوي تتأخر عندك
أجيلك فين؟
أجيله من هنا دا يقوم ماشي
حد شافه هنا لا مجاشي
يا جماعة
ماحدش شاف العوض ال؟
هيجي ويعمل عندي اللالي
وعلى كل الوكسات هيعلي
ويبسطني
أجيله من هنا دا يقوم ماشي
حد شافه هنا لا مجاشي
يا بطل العالم يا أولمبي
أمانة تيجي هنا ترقص جنبي
إيه يا شريك العمر ازيك
لو مش جي ابعت حاجة زيك
أو لو ناوي تتأخر عندك
أجيلك فين؟
أجيله من هنا دا يقوم ماشي
حد شافه هنا لا مجاشي
تتسم الأغنية بأسلوب حيوي يتناغم مع أجواء الفيلم، وتأتي كلماتها لتعبر عن مشاعر الشوق والانتظار.
