بسمة وهبة تكشف عن سرقة أحمد سعد فى حفل زفاف ابنها

تعرض الفنان أحمد سعد إلى السرقة فى حفل زفاف ابن الإعلامية بسمة وهبة والتى أرجعت السبب فى هذا الأمر إلى الحسد.

وقالت بسمة وهبة في لقاء مع et بالعربي : “في حد عارف أن دا أحمد سعد وأن الشنطة دي فيها إيه أو مراقبه، لأن دي الشنطة اللي فيها ساعات أوديمار وساعات تانية وفيها العُقد اللي الناس كلها قعدت تتكلم عليه”.

وأضافت بسمة وهبة : “أنا مبعتبرش أن دا نقد أنا بعتبر أن دا حسد ، لما أقول لحد إيه اللي إنتي لابساه ده فظيع أنا حسدتك كده أنا مستكتراه عليكي، هو دا الحسد إني بستكتر النعمة عليكي، ارتاحو أحمد سعد كل اللي إنتوا حسدتوه اتسرق”.

وشاركت الإعلامية بسمة وهبة جمهورها عبر حسابها الخاص بموقع التواصل الاجتماعي فيسبوك، مجموعة من الصور احتفالًا بزواج ابنها الثاني من زوجها الأول في إيطاليا.وتألقت بسمة وهبة، مرتدية فستانا من تصميم كريكور جابوطيان، بلون أبيض مطرز اتسم بستايل الكب.

وكان المكياج بأنامل سامر خوزامي وقامت برفع شعرها وهو ما تماشي مع لوك الخاص بها.