خلاصة السنين.. دروس تعلمتها
ابتسام عثمان
———–
اول درس اتعلمتو من خلاصه السنين، اوعي تبقي سهل في التعامل وتيجي علي نفسك عشان ترضي أي حد مهما كان غلاوته عندك عشان الحد ده هوا أول واحد هيأذيك وهيعتبرك عبيط.
تاني حاجه أوعي تصدق أي حد، خذلك مره وقالك كانت ظروف لأن الظروف هتتكرر واللي يبيعك مره هيبيعك ألف مرة
تالت حاجه أي حاجة بتروح منك الحياه مبتقفش عليها، انتا نفسك كإنسان أعظم المخلوقات هتتنسي والحياه هتستمر.
رابع حاجة، اصنع لنفسك حياه ولا تنتظر أي حاجه من حد وبلاش سقف التوقعات، يعدي معاك حدود الواقع. ومش معني أنك قدرت حد وحبيته واحترمته وخفت عليه انه هيكون زيك توقع الأسوأ دايما.
خامس حاجهة، أوعا تدي أكتر متاخد لأن الحياه لازم تأخد وتدي الحب عطاء ومش لازم عطاء مادي الحب، احتواء ضهر سند آمان ولو ملقتش ده امشي.
الدرس السادس، حب نفسك اولا واوعي تقبل ان حد يقلل منك ولا حتي بالهزار. واعرف أن اللي بيحبك بجد هيكبرك قدام اي حد حتي لو انتا غلطان مش هيقلل منك ابدا عشان انتا حته منه ولو ده محصلش امشي
سابع حاجه متقعدش في مكان الا وانتا علي وضعك اوعي تقعد مع ناس مدايقينك او بيقللو من شأنك. الاماكن كتير اختار المكان الي يناسبك المكان الي بتضحك فيه المكان الي فيه طاقه ايجابيه ابعدو عن السلبيات.
ثامن حاجة ان الحب تقدير احترام يعني حبيبك لازم يخليك ملك لازم يجبر الكل علي احترامك. ودا بيبقي اقل حق عليك لشريك حياتك. يعني علي راي المثل الي يقول لمراته ياعوره الناس تلعب بيها الكوره والعكس ولو ملقتش ده امشي
تاسع حاجه لوحبيت وحسيت بمشاعر حلوه تجاه حد وطلع ميستاهلش اتاكد ان الجاي احسن وربنا عندو خير فوق توقعك وهيجي يوم وتضحك علي نفسك انتا ازاي ضيعت وقتك عشان حد ميستاهلكش خالص اضحك وامشي
طول منتا عايش ياما هتشوف يعني متزعلش ان يطلع حد من دمك مبيحبكش او بيأذيك وان اقرب الناس الي كنت بتخاف عليهم وكانو اهم الناس هما الي يكسروك لاه ده ممكن كمان يجمعو خصومك ويتفقو عليك ويحاولو يكسروك ويدمروك واخيرا اقف علي رجلك واضرب بيد من حديد اقف علي رجلك وعافر وعيش واضحك. اضحك اتفرج علي كل حد اذاك نفسيآ واضحك من قلبك وقول حاجة وحدا حسبي آلله ونعم الوكيل الله المنتقم الجبار في كل من كسرك وكسر خاطرك وهتشوف وهتتفرج ثم اضحك واوعي تبطل ضحك العب سافر اتبسط فالحياة أقصر مما تتخيل.