كتبت د/شيماء اسماعيل
سؤال وجواب
عن كيفية إثبات دخل الزوج في قضايا النفقة؟
للرد
المستشار القانوني السيد الجمصي
دايما الزوجه تواجه مشكلة تتعلق بكيفية اثبات دخل الزوج عند رفعها قضايا نفقة سواء ليها أو لاولادها
وإثبات الدخل بيكون بطريقة من الطرق دي :
لو الزوج بيعمل فى مكان ثابت أو جهة معروفه بتدى شهاده بمفردات المرتب وقتها بتطلبي من القاضى التصريح باستخراج شهاده بمفردات المرتب
لو الزوج بيشتغل أعمال حره ومالوش دخل ثابت زى مثلا انه يكون عنده محل أو مشروع خاص به وخلافه
وقتها بتعملي تحرى عن دخله عن طريق القسم التابع له شغله
وللزوجة ات تطلب من القاضى إحالة الدعوى للتحقيق لاثبات دخل الزوج بشهادة الشهود
وللزوجة ان تقدم للمحكمة أي أوراق تثبت أملاك الزوج زي مثلا عقود شراء عقارات أو أراضي أو انه عنده شركة او عربيه
واذا كان الزوج يعمل في خارج مصر ممكن صورة من عقد عمله لو معاكي او تحصلي عليها من مكتب العمل أو تطلبي التحري عنه بالطرق الدبلوماسية أو بشهادة الشهود
وبعد إثبات دخل الزوج تقضى المحكمة للزوجة والابناء بنفقة بأنواعها وطبقا لما تقدره المحكمة و بما يتناسب مع يسار الزوج وحاله