مرحلة بتوصلها بعد معارك نفسيه و كم مهول من التراكمات إللي علي قلبك ، و المواقف إللي مابتنتهيش … و المشاكل إللي مابتتحلش .. و الكلام اللي بيبتدى و مابيخلصش ، و العشم إللى بيزيد ، و القلب إللى بيتوجع ، و السند إللى بيطلع شوك ، و الضهر إللى بينكسر ، و القشه إللى بنتعلق بيها و بتغرقنا أكتر ، و الحجر إللى بقى مكان قلبنا
و هتعرف أنك وصلت إلى آخر مرحلة من اللامبالاة … لما تراقب اللى بتحبهم وهما بيتحولوا شويه شويه لناس غريبه عنك .. تتفرج عليهم من غير ما يقلقك المشهد ..
الخلاصه .. و من الآخر كده .. الحب مافيهوش معافرة .. لما تلاقي نفسك بتبذل من روحك و مشاعرك عشان تآخد شوية أمان أو حبة راحة وإستقرار .. يبقى دي الحدوتة الغلط ولازم تمشي ..
ماتعافروش …. علشان أبسط حقوقكم في اي علاقة حب .. انك تكون مطمّن و واثق …..ومرتاح !