عارف الشخص اللي في حياتك اللي بيفهمك من غير ما تتكلم؟
اللي بيحس بيك من غير ما تبين؟
اللي بيقف في ضهرك من غير ما تطلب؟
اللي بيخلص في نصيحتك كأنك انت هو؟
اللي بيخاف عليك فعلا من قلبه؟
اللي بتحس إنه قريب منك مهما بعدت بينكم المسافات؟
اللي بيهتم بيك من غير مقابل؟
اللي بيبقى حريص إنه يطمن عليك مهما انت بعدت؟
اللي بيعرف إمتى يقرب أوي و إمتى يديك مساحتك؟
اللي مهما رغيت معاه كلامكم مش بيخلص؟اللي مهما إختلفتم ولا حتى إتخانقتم بترجعوا كأن مفيش حاجة حصلت؟
اللى لما تكون تعبان تلاقيه أول حد جنبك؟
اللي لما يلاقيك متضايق يحاول بكل الطرق إنه يضحكك؟
اللي عمره ما زهق منك… ولا من تكرار حكاياتك… ولا من قعدتك؟
عارف الشخص ده؟؟ ابعت له رساله النهارده … قل له شكرا إنه هو “هو” وقل له إنك بتحبه زى ما هو كده وإنه مهم جدا فحياتك … وادعي ربنا كتيير إنك ماتتحرمش منه ابدا ..لأنه نعمة من أجمل النعم اللي في الدنيا ….
ولو لسه ملقيتش الشخص ده .. خصص جزء من دعاءك اليومي إنه يرزقك صحبته… لأن الناس دي المشاعر معاها … لا تقدر بثمن!