موعد الزفاف رسميًا.. الثلاثاء 20 مايو
أعلن مطرب المهرجانات الشعبية مسلم عن موعد حفل زفافه، والمقرر إقامته غدًا الثلاثاء الموافق 20 مايو الجاري، في أجواء احتفالية ينتظرها جمهوره ومتابعوه على مواقع التواصل الاجتماعي.
ونشر مسلم عبر خاصية “الاستوري” على حسابه الرسمي بموقع “إنستجرام”، صورة كتب عليها:
“العريس جاهز.. بكرة هتولع”، في إشارة إلى اقتراب موعد الزفاف واستعداده الكامل للاحتفال.
تفاصيل عودة مسلم لخطيبته يارا
وكان مسلم قد أعلن مؤخرًا عودته إلى خطيبته السابقة يارا، بعد فترة من الانفصال، مؤكدًا أن علاقتهما شهدت تقلبات ولكن انتهت بالتصالح والنية لبناء حياة جديدة.
وفي لقاء حصري ببرنامج “أسرار” مع الإعلامية أمير بدر على شاشة “النهار”، قال مسلم:
“رجعت لخطيبتي اللي وقفت معايا في كل المواقف، وحبيت من قلبي مش بعقلي، والمرة اللي فاتت كانت اختيار الناس، مش اختياري”.
“اتعلمت من اللي فات.. وعايز أعيش حياة طبيعية”
وأضاف مسلم: “اللي خطبتها محترمة ومن عيلة، واتظلمت معايا، والناس افتكرت إنها خدتني من طليقتي، بس الحقيقة إننا كنا منفصلين من فترة ومحدش كان يعرف”.
وأكد: “أنا عمري ما جرحت طليقتي، لأنها أم ابني، وراعيت مشاعرها، لكن حصل سوء فهم من الناس. كل اللي حصل إني خطبت وكنت فاكر إن ده الصح، وبعد كده حصل الانفصال ورجعت تاني لخطيبتي”.
رسالة للجمهور: “مش محتاج أعمل تريند”
اختتم مسلم حديثه قائلاً: “مش محتاج أعمل تريند عشان أتشهر، بندم إني شاركت تفاصيل حياتي الخاصة مع الناس، لكن اتعلمت الدرس.. وأنا بني آدم عايز يحب ويعيش حياة طبيعية ويعمل أسرة”.