أسما شريف منير: “عيد ميلادي الـ 38 ليس مجرد رقم”
احتفلت أسما شريف منير، ابنة الفنان شريف منير، بعيد ميلادها الـ 38، وشاركت متابعيها عبر حسابها على فيسبوك رسالة معبرة عن تجربتها الشخصية. وقالت أسما: “في عيد ميلادي الـ ٣٨ النهارده مش مجرد رقم جديد، النهارده وقفة مع نفسي، وبصّة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت”.
دروس الحياة التي تعلمتها أسما شريف منير
واصلت أسما شريف منير مشاركتها لدروس الحياة التي تعلمتها طوال الـ 38 سنة من عمرها، حيث قالت: “٣٨ سنة… و٣٨ حاجة اتعلمتهم خلوني أبقى النسخة دي منّي”، ثم سردت الدروس التي أثرت في حياتها، ومنها:
- اللي بيسيبك وقت ضعفك ما يستحقكش وقت قوتك.
- الحب لوحده مش كفاية، لازم احترام وأمان ونية صافية.
- مفيش أغلى من راحة البال.
- الحدود مش قسوة، دي حب لنفسي.
- كل اللي حصل كان لازم يحصل عشان أوصل للي أنا عليه دلوقتي.
- الكتم مش قوة دايمًا، أوقات لازم أتكلم.
- الجمال الحقيقي جوايا مش في مراية ولا كاميرا.
- الناس بتتغير، وأنا كمان. وده طبيعي.
- ربنا عمره ما خذلني، حتى في أسوأ أيامي.
- السُكوت مش دايمًا رضا، أوقات بيبقى وجع.
أسما شريف منير: “كل سنة وأنا أقرب لنفسي”
واختتمت أسما منشورها برسالة شكر وحب، حيث قالت: “النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية. كل سنة وأنا أقرب لنفسي، وأكتر حب، وأكتر نور”.